ინექს გრუპი თავის კლიენტებს სთავაზობს დააზღვიოს გამოწერილი ამანათი მის საქართველოში გამოგზავნამდე და ამით უზრუნველყოს ზარალის სრულად ანაზღაურება ამანათის დაკარგვის ან ტრანსპორტირებისას მისი დაზიანების შემთხვევაში.
გამოწერილი ამანათის დაზღვევა შესაძლებელია მისი მიღების შემდეგ ამანათის საქართველოში გამოგზავნამდე.
როგორ დავაზღვიო ამანათი?
იმისათვის, რათა თქვენ შეძლოთ ამანათის დაზღვევა, აუცილებელია მოახდინოთ მისი სავალდებულო დეკლარირება და უცხოეთში ჩვენს ოფისში მიტანის შემდეგ ამანათის საქართველოში გამოგზავნამდე ჩართოთ ამანათის დაზღვევა. ფუნქციის ჩართვა ხდება დაზღვევის სპეციალური უჯრის მონიშვნით, თითოეული ამანათისთვის ინდივიდუალურად.
დაზღვევის ღირებულება
დაზღვევის ღირებულება შეადგენს ამანათის ღირებულების 10% და ამ თანხის დაანგარიშება და გადახდა ხდება ტრანსპორტირების ღირებულებასთან ერთად. თუ თქვენ უკვე გადახდილი გაქვთ ტრანსპორტირების ღირებულება, ასეთ შემთხვევაში დაზღვევის ჩართვა შეუძლებელია.
პირობები
ზარალის ანაზღაურება მოხდება ამანათის დაკარგვის ან მისი შიგთავსის დაზიანების შემთხვევაში. ინექს გრუპი არ ანაზღაურებს ამანათის შიგთავსის დაზიანებისას გამოწვეულ ზარალს, თუ არ შეინიშნება ამანათის გარეგნული დაზიანება. ზარალის ანაზღაურება ხდება მხოლოდ იმ შემთხვევაში, თუ უცხოეთში ჩვენს ოფისში ამანათი მიიტანეს უვნებელი, ხოლო საქართველოში გაცემის დროს დაფიქსირდება მისი დაზიანება.
გთხოვთ გაითვალისწინოთ, რომ კლიენტის მხრიდან პრეტენზიები მიიღება მხოლოდ დაზღვეული ამანათის გატანის მომენტში. წაღებულ ამანათზე რაიმე სახის პრეტენზიები არ განიხილება!
2 მაისიდან ინექს გრუპის ვარკეთილის ფილიალი ახალ მისამართზე გადადის. ვარკეთილის ძველ ფილიალში არსებული ყველა ამანათი გადამისამართდება ახალ ლოკაციაზე.
ახალ ფილიალში დაგხვდებათ:
თავისუფალი პარკირების შეუზღუდავი სივრცე
ამანათების თვითმომსახურების ბოქსიდან გატანის შესაძლებლობა
მინიმუმამდე შემცირებული მოლოდინის რეჟიმი ამანათის გატანისას
მისამართი: ვარკეთილი, საქართველოს ერთიანობისთვის მებრძოლთა ქ. 41.
სამუშაო საათები: 09:00 - 22:30
გაითვალისწინეთ, ახალ ლოკაციაზე ამანათების ტრანსპორტირების ღირებულების გადახდას მხოლოდ ბარათით შეძლებთ.
მადლობა, რომ ირჩევთ ინექს გრუპს.
